سعودی و ایران فلسطینی ویل انا ایسری کن کسر کشنگ کیرہ، سینیٹر قادر

کوئٹہ: چیئرمین اسٹینڈنگ کمیٹی پیٹرولیم و ریسورسز و سیاسی و عسکری باندات نا چاہندار سینیٹر عبدالقادر پارینے کہ دا جہانی برادری نا زمواری ءِ کہ او فلسطینی علاقہ غاتیٹی اسرائیلی جارحیت نا چٹفنگ کن دمدستی گام گیج کے مسجد اقصٰی غا جلہو مچ آ دنیا نا مسلمان تا جوزہ غاتا توہین ءِ جدہ سروک دیوان نا اعلامیہ ٹی عرب ملک آتا اسیجائی گام ءِ سوگو کننگ آ زور شاغنگ بھاز اہمیت تخک ہنداوڑ نا کارروائی آجوئی درشانی سلاہ و مذہب یا فلسطینی الس نا عقیدہ نا حق اتون مطابقت تخپک و غٹ وڑنا انسانی حق انا کانود و اصول آتا خلاف ورزی ءِ کیک۔ داڑے جاری مروک اسہ بیان اسے ٹی اوپارے کہ جہانی برادری مقبوضہ علاقہ غاتیٹی اسرائیلی جارحیت نا چٹفنگ کن دمدستی گام گیج کے ہراداسال انا بناآن ہی پیدواروڑاٹ ترندی آٹو۔ اوپارے کہ نن فلسطینی کاز اکن بلاروک ٹوک مخ تفی نا درشانی ءِ کینہ۔ اوپارے کہ 1967آن مست انا سیم آتون اسہ قابل عمل، وتواجہ و متصل فلسطینی ریاست کن تینا خواست آتا تجدید ءِ کیک القدس نا فلسطین نا دارالحکومت نا وڑاٹ امنا کننگ ہی فلسطین نا ویل انا اسٹ انگا انصاف اٹ و جوان ایسری ءِ۔ اوپارے کہ جدہ ٹی 32 عرب سروک دیوان اٹی فلسطینی کاز انا مرکزیت آ زور شاغنگانے۔ اوپارے کہ پاکستان نا الس فلسطینی الس نا تینا حق اکن کروک آ جہد نا است انا حب اٹ مخ تفی و قدر ءِ کیک فلسطین نا ویل بیرہ فلسطینی الس نا ویل اف بلکن امت مسلمہ نا ویل ءِ۔ اوپارے کہ غٹ دنیا نا مسلمان و حکمران تا اولی زمواری ءِ کہ او فلسطینی الس نا حق و است خواہی تا شرف ءِ کیر۔ اوپارے کہ سعودی عرب و ایران دا چرجوئی ٹی بھا ز اہم ءُ کڑد اس ادا کننگ کیرہ۔ اوداہم پارے کہ عرب لیگ اٹی شام انا واپسی اونا تنکی نا چٹفنگ اٹ کمکار مریک۔

(اے پی پی)