محکمہ مائنز لیبر نا سیفٹی‘ ریسکیو و ریکوری کن تینا کل ساڑی وسیلہ غاتے کاریم اٹ اتنگ اٹی ءِ‘عبدالغنی
Get real time updates directly on you device, subscribe now.
کوئٹہ : چیف انسپیکٹوریٹ آف مائنز بلوچستان عبدالغنی پارینے کہ محکمہ مائنز لیبر نا سیفٹی‘ ریسکیو و ریکوری کن تینا کل ساڑی وسیلہ غاتے کاریم اٹ اتنگ اٹی ءِ‘ سیفٹی و ریسکیو نا مچ آ ٹیم دے ونن خواری کننگ اٹی ءِ۔ ملک ظریف کول کمپنی دکی نا ہند آ چار مئی آ پیش بروک شکست آ ہر خن خڑینکی ءِ‘ محکمہ مائنز بلوچستان کچ اٹنگا وسیلہ غاتیان پد ہم مزور تے کشنگ نا ہر وڑ انا کوشست کرے ولے ریسکیو آپریشن اٹ مون تروک مشکل و اڑاند آتا سوب آن داسکان سرسہب مننگ کتنے۔ ریسکیو و ریکوری آپریشن ءِ اینو 17 دے مسنے ہرا بے سلنگ آن برجاءِ‘ ہراٹی ڈسٹرکٹ انتظامی‘ ایف سی ونگ دکی ہم کمک کننگ اٹی ءِ۔ چیف انسپکٹر آف مائنز عبدالغنی مستی پارے کہ ریسکیو آپریشن اٹ پی ڈی ایم اے ناکنڈآن ریسکیو آپریشن ٹیم ءِ کنوئی گڑا دننگ آ پی ڈی ایم اے کمامدار آتامنتوار ان ہرافک آپریشن اٹ کن وخور ناگڑاتا فراوانی ءِ پک کریر۔
(خ ن)