کورونا غان ودی مروک حالیت نا قوم ءِ اسیجائی اٹ مون تروئی تمک، نصیب بازئی
Get real time updates directly on you device, subscribe now.
کوئٹہ (آن لائن) بلوچستان عوامی پارٹی نا بنجائی راہشون سینیٹر نصیب اللہ بازئی پارینے کہ کورونا وائرس دَین اٹ بدل مسنے‘ ہرا مچ آ دنیا ءِ تینا پلویڑ اٹ ہلکنے‘ ہندا سوب آن دا نازک وخت آ قوم ءِ اسیجائی اٹ مون تروئی مریک و قومی یکجہتی نا درشانی ءِ کرسا اسہ زموار اسے ناوڑ اٹ تینا‘ تینا خاہوت‘ راج وایلو بندغ آتا جان نا رکھ وجانجوڑی کن کڑد ادا کروئی مریک۔ بنجائی وصوبائی حکومت، پاک فوج‘ قومی ادارہ غاک، محکمہ جانجوڑی‘ محکمہ داخلہ، پی ڈی ایم اے وایلو ادارہ غاک دا دَین آن بچنگ و داڑان زہمی بندغ آتا جانجوڑی کن جوان کڑد ادا کننگ اٹی ءُ و ہڑدے نابنداو آ بدل مروک حالیت آتے ہننگ اٹی ءُ و ڈغاری راستکی تا رد اٹ دمدستی و ہلہلہ ئی گام گیج کننگ اٹی ءُ۔ وزیراعلیٰ بلوچستان جام کمال خان ناکماشی ٹی ایلو سیوتی جماعت آک جنگی بنداو آ کورونا وائرس نا برخلاف الس نا رکھ اکن گام گیج کننگ اٹی ءُ ہراکہ الس نا مون آٹو۔ دا حالیت آتے ٹی اپوزیشن سیاسی پوائنٹ اسکورنگ کننگ نا جاگہ غا بایدے زموار ءُ کڑد اس ادا کرسا الس نا فائدہ کن حکومت تون ہر وڑ انا کمک کے تاکہ اسیجائی اٹ دا دَین اتون مون تننگ مرے۔