کول مائنز آتیا کاریم کروک لیبر آک بایدے بازار آ بفس، ڈپٹی کمشنر دکی

0

Get real time updates directly on you device, subscribe now.

دکی (آن لائن) ڈپٹی کمشنر قربان علی مگسی نا دفتر اٹ ازگار بندغ و کول مائنز اونر آتا دیوان اڈ ہلک‘ دیوان اٹ قبائلی راہشون سردار محمد اکبر خان ناصر، حاجی خیراللہ ناصر، حاجی محمد ایوب خان ناصر، حاجی تیمورخان ناصر، دکی پریس کلب نا ڈپٹی جنرل سیکرٹری محمد سہیل سیال، سردار خان ناصر، عبدالحکیم مجاہد، حاجی خدائے رحیم ناصر، ملک شاہ محمد ناصر، دوست محمد ناصر وایلوفک ساڑی ئسر۔ ڈپٹی کمشنر قربان علی مگسی قبائلی متبر و مائنز اونرز آتیان علاقہ نا فائدہ کن کورونا وائرس آن بچفنگ کن رکھی گام گیج و پبی وڑاٹ کڑد ادا کننگ نا خواست کرے۔ ڈپٹی کمشنر قربان علی مگسی کول مائنز مالک آتے پارت کرے کہ و تینا دفتر تے ٹی رش ءِ کرسا کچ اٹ کیر و لیبر نا راشن کن اسہ اسہ بندغ ءِ پن کرسا ایلو لیبر آتے مائنز آتسکان کچ اٹ کیر تاکہ بازار اٹ رش مف۔ او مائنز اونر و ازگار بندغ آتیان آئسولیشن وارڈ و کرنٹائن سینٹر نا گڑا ودارو تیکن کمک کننگ ن خواست کرے۔

Get real time updates directly on you device, subscribe now.

Leave A Reply

Your email address will not be published.