پیٹرولیم ڈویژن نا کنڈ آن پیٹرول و ڈیزل نا نہاد آتیٹی ودکی نا نوٹیفکیشن جاری
Get real time updates directly on you device, subscribe now.
بنجائی حکومت پیٹرولیم مصنوعات نا پوسکن آ نہاد آتا باقاعدہ پڑو ءِ کرینے۔ پیٹرولیم مصنوعات نا 21 اگست کن پوسکن آ نہاد آتا نوٹیفکیشن جاری کننگانے۔ پیٹرولیم ڈویژن نا کنڈ آن جاری کروک آ اعلامیہ نا رِد اٹ ہائی اسپیڈ ڈیزل نا نہاد اٹی 1 روپئی 64 پیسہ فی لیٹر نا ودکی کننگانے، ہراڑآن پد ہائی اسپیڈ ڈیزل نا پوسکن آ نہاد 364 روپئی 70 پیسہ فی لیٹر مقرر مسونے۔پیٹرولیم ڈویژن نا رِد اٹ پیٹرول نا فی لیٹر نہاد اٹی ہم 27 پیسہ نا ودکی کننگانے، ہرا نا سوب آن پیٹرول نا پوسکن آ نہاد 337 روپئی 78 پیسہ فی لیٹر مقرر مسونے۔