بلوچستان نا وسیلہ غاک آ ملک انا ویل آتے چٹفنگ کیرہ، سینیٹر قادر

کوئٹہ: چیئرمین اسٹینڈنگ کمیٹی پیٹرولیم و رسورسز و سیاسی و جہانی اقتصادی باندات نا چاہندار سینیٹر عبدالقادر پارینے کہ بلوچستان نا 700 ارب روپئی نا بجٹ ءِ پیش کننگانے بجٹ نسخان 150 ارب روپئی ءِ سالانہ شونداری پروگرام نا کچ 200 ارب روپئی وخت اس کہ غیر شونداری خڑچ آتا کساس 500 ارب روپئی ئس۔ داڑے جاری مروک اسہ بیان اسے ٹی اوپارے کہ بنجانا طرز آ تنخواہ و پنشن اٹی ودکی بھاز اہم و ستاکڑزک، صوبہ نا تاریخ اٹی اولیکو وار مالی سال 2023-24کن ہفت سد ارب روپئی نا بجٹ پیش کننگانے، گریڈ 1 آن 16 اسکان نا سرکاری ملازم آتا تنخواہ تیٹی 35 درسد وخت اس کہ گریڈ 17 آن 22 اسکان 30 درسد و پنشن اٹی ہودہ و نیم درسد ودکی مس بجٹ اٹ جان جوڑی کن 5 ارب 80 کروڑ روپئی، ایجوکیشن انڈونمنٹ فنڈ و پنشن کن اِرا اِرا ارب روپئی و فوڈ سیکورٹی کن اسہ ارب روپئی جتا کننگانے۔

(اے پی پی)