چین نامقبوضہ کشمیر اٹ جی -20 سروکی دیوان اٹ بشخ ہلپننگ ستاکڑزک‘سینیٹرعبدالقادر

کوئٹہ : چیئرمین اسٹینڈنگ کمیٹی پٹرولیم و رسورسز سینیٹر عبدالقادر پارینے کہ چین مقبوضہ کشمیر اٹ جی -20 سروکی دیوان اٹ بشخ ہلنگ آن نمن مسنے۔ سعودی عرب، ترکیہ و انڈونیشیا نا ہم دیوان اٹ بشخ ہلنگ نا گمانک کم ءُ۔ تینا جاری کروک بیان اٹ او پارے کہ چین نا جی- 20 سروکی دیوان اٹ بشخ ہلنگ آن نمن مننگ آن بھارت جہانی کہول آ شکی مسنے‘ پاکستان کشمیر نابابت چین نا موقف نا است انا ہب اٹ ستاءِ کیک و اونا منت وار ءِ۔ کشمیر نا بابت پاکستان چین نا اسٹینڈ ہلنگ آ چینی حکومت و قوم انا منت ءِ ہرفک او پارے کہ چین سرکاری کہول آ جی -20 دیوان اٹ بشخ ہلنگ آن نمن مسنے‘ چین نا موقف ءِ کہ کشمیر جھیڑہ ئی ءُ علاقہ اسے پاکستان ہم مقبوضہ دامان اٹ جی ٹونٹی دیوان نا اڈ تننگ نا مخالفت و مذمت ءِ کرینے۔

(آن لائن)