سیاست بایدے سیاسی وڑ اٹ کننگے، میر عمر خان جمالی

کوئٹہ : صوبائی سلاہکار توانائی میر عمر خان جمالی پارینے کہ نن بایدے سیاست سیاسی وڑ اٹ کین‘ سیاسی مسخت کن بے چیٹی تالان کرسا عسکری‘عدلیہ‘ پارلیمنٹ‘ میڈیا تون اوار ایلو ادارہ غاتا برخلاف سٹی ءُ غوغا کننگ ءِ بایدے بس کننگے۔ دا وخت آ پاکستان تنکی نا حالیت اسے تون مون تروک ءِ‘ ہراٹی ملک ءِ زرگزرانی و ایلو ویل آک مون تروک ءُ‘ ہندا سوب آن حکومت تون اوار کل سیاسی جماعت آتے اواری اٹ دا تنکی و آتیان قوم و پاکستان ءِ کشنگ کن تینا زمواری تے سر تروئی مریک۔پرامن آئینی و کانودی برانز کننگ نا ہر سیاسی جماعت نا حق ءِ ولے برانز نا پن آ پرغ بٹ و خاخر تننگ نااسہ کانود اس ہم موکل تفک و نئے دانا اخلاقی و آئینی موکل تننگ مریک۔ دا حالیت آتے ٹی کل ادارہ‘عدلیہ‘ پارلیمنٹ وکانود نافذ کروک ادارہ غاتا زموار آتے تینا زمواری تے پورو کروئی مریک تاکہ پاکستان وقوم انا شکی گری نا سوب مروک عمل ءِ توننگ مرے‘ نن بایدے ہندن ءُ گام ہرفپن ہراکہ کانود آن چَپ مریر ونئے نن دن ءُ ہیت کین ہراڑان راج و سیاسی چاگڑد خراب مرے۔ اوپارے کہ ہرا بندغ آک ملک اٹ پرغ بٹ و قومی ملکیت آتے خاخر تسنو اوفا اخس کہ مذمت ءِ کننگے کم ءِ۔دانا ہر کس زموار ارے ساف شفاف جاست پاست کرسا کانود و آئین نا رد اٹ زموار تے پک کرسا سزا تننگے۔

(آن لائن)