چاغی‘ لیویز نا کارندہ غاک پیشن ملک ہننگ نا وخت آ چار بندغ ءِ دزگیر کریر
Get real time updates directly on you device, subscribe now.
چاغی : چاغی لیویز نا کارندہ غاک پیشن ملک ہننگ نا وخت آ چار بندغ ءِ دزگیر کریر‘ لیویز حوالی نا رد اٹ صوبہ کے پی آن تعلقدار چار ورنا باوہ لمہ نا موکل آن بیدس اُراغان پیش تمسا ایران نا کسر اٹ یورپ آ ہنارہ‘ اسہ ورنا نا باوہ بلال ساکن کے پی کے چاغی انتظامیہ ءِ ڈہ تس کہ ننا چار ورنا اُراغان پیش تمانو و یورپ آ ہننگ خوارہ‘ اوفتے پٹسا توننگے۔ چاغی انتظامیہ وخت آ انٹیلیجنس بیسڈ آ پٹسا چار گھنٹہ ٹی یک مچھ نا علاقہ غان ہرچار آورناتے دزگیر کرے‘ ہرافتیان ایرانی کرنسی ہم دوئی کننگا‘ ورناک پک کریر نن روزگار کن غیرکانودی کسر اٹ ایران آن یورپ آ ہننگ خواہسنہ‘ ہر چار آ ورناتے لیویز دزگیر کرسا مستی پرسجو نا بناءِ کرینے۔
(آن لائن)