پنجگور نا شونداری بی این پی عوامی تون گنڈوک ءِ‘نصیراحمد ساجدی

پنجگور : بلوچستان نیشنل پارٹی(عوامی) سب تحصیل گچک انا راہشون نصیراحمد ساجدی کونسلر شیر جان بلوچ کونسلر گل شیر مسکوہی کونسلر غوث بخش آصف آزاد سجاد حسین عبدالحمید اسک تینا بیان اٹ پارینو کہ بلوچستان نیشنل پارٹی (عوامی) نا بنجائی صدر وصوبائی وزیر میر اسداللہ بلوچ نے تحصیل گچک اٹ تاریخی کاریم کرینے‘ او داڑے رہینگوک مخلوق نا خواست دیر انا بابت واٹر سپلائی اسکیم نا کاریم نا بناءِ کرسا الس نا است اٹ تینکن ہند جوڑ کرینے۔ نئے بیرہ دیر بلکہ روزگار و ایلو ڈٹ آتا بابت ہم بھاز کاریم کرینے‘ اینو مچ آ صوبہ ٹی ہننگے تو اخس میگا ڈٹ پنجگور اٹ بنا کننگانے اسہ پین ضلع سے ٹی ہم داخس متنے۔ پنجگور نا غریب الس کن بڑزکو تعلیم کن یونیورسٹی‘ کالج اسکول آتا اپ ستا کڑزک۔ پنجگور اٹ ڈبل روڈ جوڑ کننگ پنجگور ناالس کن ٹیکی سے آن کم اف۔ پنجگور نا شونداری بی این پی عوامی تون گنڈوک ءِ۔

(آن لائن)