بنجائی حوالکاری وزیر بابر بن عطاء نا اُراغا ہنا، لمہ نا تے کزیت آ ہڑزخواہی

0

Get real time updates directly on you device, subscribe now.

مردان، بنجائی وزیر حوالکاری وشینکاری عطاء اللہ تارڑ سینئر صحافی بابر بن عطاء نا اُراغا ہنا و اونا لمہ نا کزیت آ ڈکھیائی و است ہسونی نا درشانی ءِ کرے۔ داوخت آ بنجائی وزیر حوالکاری پارے کہ لمہ نا کزیت اسہ بھلو صدمہ اسے، لمہ کون آ عظیم ہستی نا دُنیا غان ہِننگ زند انا پورو مفروک ءُ نسخان اسے۔ عطاء اللہ تارڑ پارے کہ لمہ نا دعاو شفقت اولیاد کن زند انا نہادی میرات مریک ہرانا کمتی مدام محسوس مریک۔ اوپارے کہ بابر بن عطاء و اونا خاہوت نا غم اٹی بریبر نا شریدار اُن۔ عطاء اللہ تارڑ دعاکرے کہ اللہ تعالیٰ ایماندار ءِ بشخے‘ اودے جنت الفردوس اٹی بڑزکو ہند اس عطاکے و پدخاہوت ءِ صبر جمیل عطاکے۔ وزیراعظم نا میڈیا کوآرڈینیٹر بدر شہباز وڑائچ ہم بنجائی وزیر حوالکاری تون اوار ئس۔

Get real time updates directly on you device, subscribe now.

Leave A Reply

Your email address will not be published.