پوسکن آ صوبہ غاتا بابت پیپلز پارٹی الس نا فیصلہ تون سلوک مریک،بلاول بھٹو زرداری
آزاد کشمیر اٹی پیپلز پارٹی ءِ بے سہب کرفنگا، مسلم لیگ ن جھیڑہ ئی گچین کاری خواہک تو اودے مبارک مرے، حکومت حوال کرے تو ہیت کینہ
Get real time updates directly on you device, subscribe now.
اسلام آباد، چیئرمین پیپلز پارٹی بلاول بھٹو زرداری حکومت ءِ خبردار کرسا پارینے کہ اگہ ننا گڑتی تے اینک کننگتو تو نن ہم ن لیگ تون کمک کننگ کپنہ۔ چیئرمین پیپلز پارٹی بلاول بھٹو پارلیمنٹ ہاؤس اٹی میڈیا تون ہیت وگپ کرسا پارے کہ آزاد کشمیر اٹی پیپلز پارٹی ءِ گچین کاری تے ٹی بے سہب کننگا، اگہ مسلم لیگ ن جھیڑہ ئی گچین کاریک خواہک تو اودے مبارک مرے۔ حکومت نا کنڈ آن اگہ حوال کننگا تو المی ہیت کینہ۔ تانکہ پیپلز پارٹی ءِ انصاف رسینگپک حکومت تون کمک کپنہ۔ بلاول بھٹو پارے کہ ای جی بی و آزاد کشمیر نا گچین کاری تے ٹی حقِ ملکیت حقِ حکمرانی نا منشور انارد اٹ بشخ ہلکٹ۔ دا مننگ کپک کہ نن حکومتی بینچ آتیا مرین و ننا کارندہ غاتے لاش ہرفوئی تمے۔ اسہ چنکو علاقہ سے ٹی گچین کاریک مسر بایدے اوفتیان سوج ہرفنگپروسس۔ بلاول بھٹو سوج کرے کہ مگہ سیوتی تتون ہندن کننگک ہراوڑ آزاد کشمیر گچین کاری تے ٹی مس؟ ننا گڑتی تا ہچ ءُ ایسر اس پیش تمپک تو نن ہم اوفتتون ہچ کمک کننگ کپنہ۔ ن لیگ ننا پارٹی یا پارلیمانی کمیٹی تون حوال نا کوشست ہم کتو، کنا پارٹی فیصلہ کرے کہ ن لیگ تون کمکاری مننگ کپک، اگہ نم ننا گڑتی تے اینک کپیرے تو نن کمک کپنہ، بیرہ قومی ایشو آ گڑاس مس تو نن کمک کننگ کینہ۔ او مستی پارے کہ کشمیر گچین کاری بھاز حساس ءِ و بھارت تون جنگ کشمیر آن بنا مس، کشمیر نا گچین کاریک جھیڑئی مفروسر تو بھاز جوان ئس۔ کشمیر اٹی پیپلز پارٹی ءِ گچین کاری تے ٹی بے سہب کننگا، میرپور تون اوار کوٹلی ٹی پیپلز پارٹی نا اومیتدار آتے بے سہب کننگا۔ نن کشمیر گچین کاری تے ٹی تینا اعتراض آتے پاریسن‘ سیکورٹی نا پاریسن، مظفر آباد اٹی اومیتدار آ جلہو مس، بنجائی حکومت نا لشکر ہموڑے ئس، جھیڑہ ئی حکومت کشمیر نا ویل آتے ایسر کننگ کپک، کشمیر نا ویل آتا ایسری کن المی ءِ کہ السی مینڈیٹ دوئی کروک حکومت برے۔ بلاول بھٹو صوبہ غاتا بابت ہیت کرسا پارے کہ صوبہ غاتا بابت پیپلز پارٹی نا موقف پیدوار ءِ‘ ای امر پاو کہ پیپلز پارٹی صوبہ غاتا مخالف ءِ‘ تانکہ اسہ اسمبلی اس مخالفت کپک ای امر اعتراض کننگ کیوہ، پیپلز پارٹی نا موقف پیدوار ءِ کہ نن الس نا موقف تون سلوک اُن، پوسکن آ صوبہ غاتا بابت الس نا ہرا فیصلہ مس پیپلز پارٹی اوفتتون ہم کوپہ سلک۔ نن زور زبردستی اٹ نئے داکان مست منانن ونئے داکان پد مننہ۔ چیئرمین پی پی پارے کہ ننا مون آ ہچ ءُ ترمیم نا ہچ ءُ ٹِک اس بتنے، 26 می ترمیم نا ای پاریسٹ و 27 می ترمیم نا ای حوالہ تسٹ، اگہ ٹِک اس مون آ بریک تو نن ہموفتیا ہیت کینہ۔ ہراڑے امنائی مرے ہموڑے فیصلہ امنائی اٹ کننگے، ہراڑے امنائی اف‘ اگہ سیاسی جماعت اس ہیت و گپ کننگ خواہک تو ہیت و گپ کے۔ بلاول بھٹو پارے کہ پارلیمنٹ نا کمیٹی تیٹی اپوزیشن نا کڑد بھاز اہم ءِ۔ ہراڑے امنائی مس ہموڑے فیصلہ امنائی اٹ کننگے، ہراڑے امنائی متو‘ سیاسی جماعت اس ہیت و گپ کننگ خواہک تو ہیت و گپ کے۔ بلاول بھٹو پارے کہ اپوزیشن نا جماعت آک گچین کاری نا عمل نا بابت تینا کڑد ادا کیر، اگہ اپوزیشن خواہک کہ جوانی مرے تو ببو گچین کاری اصلاحات کن کاریم کینہ۔