برمش واقعہ نا زموار غٹ دوبہ دار آتے دزگیر کننگانے‘میرظہوربلیدی
Get real time updates directly on you device, subscribe now.
کوئٹہ (آن لائن) صوبائی وزیر خزانہ میر ظہوراحمد بلیدی پارینے کہ برمش واقعہ نا زموار غٹ دوبہ دار آتے دزگیر کننگانے، حیات بلوچ ناخون است ہسوک کروک ءُ واقعہ سے‘ اسہ خراب بندغ نا ڈوہ ریاست یا ریاستی ادارہ نا پالیسی اف‘ حیات بلوچ نا خاہوت ءِ پورو است جم کننگ کن شفاف جاست پاست و دمدستی انصاف نا فراوانی ءِ پک کینہ۔ راجی رابطہ نا ویب سائٹ آ تینا جاری کروک بیان اٹ میرظہور احمد بلیدی پارے کہ حکومت بلوچستان برمش واقعہ نا زموار تے دزگیر کرینے‘ دا رد اٹ پرسجو ءِ شفاف کننگا‘ واقعہ نازموار سمیر سبزل تون اوار غٹ دوبہ دار آک زندان اٹی ءُ و سخت سزا تننگک تا۔