چاغی نا ورنا تیٹی گوازی نا بھلو ٹیلنٹ ارے، امیر شاہ بلوچ

نیشنل پارٹی ضلع چاغی نا سینئر راہشون آغا امیر شاہ بلوچ و روشن خان بلوچ ڈسٹرکٹ کرکٹ ایسوسی ایشن ضلع چاغی نا پوسکن گچین مروک آ کابینہ ءِ مبارکبادی تسنو۔ او پاریر کہ صدر حیدر عاجز بلوچ، جنرل سیکرٹری مقبول احمد شیرزئی و ایلو عہدیدار آتا گچین مننگ آ اوفتے خوشی مسنے۔ او اومیت درشان کریر کہ پوسکن گچین مروک آ کابینہ پنی آ کرکٹر شوکت بلوچ نا چاروکی ٹی ضلع چاغی ٹی کرکٹ نا گوازی ءِ شون تننگ، ورنا تا ہیلکاری و گوازی تا ربیدگی ءِ بحال کننگ اٹی اہم ءُ کڑد اس ادا کیک۔ او پاریر کہ چاغی نا ورنا تیٹی گوازی نا بھلو ٹیلنٹ ارے، پوسکن آ کابینہ گراؤنڈز آتے آباد کیک و ورناتے منشیات و نااومیتی آن کشسا اسپورٹس نا پڑ تے آباد کیک۔