پوسکن آ تحصیل و سب تحصیل آتا پڑو ستا کڑزک، محمد گل جلبانی
Get real time updates directly on you device, subscribe now.
یو سی کاموئی نا وائس چیئرمین محمد گل جلبانی پارینے کہ سینئر صوبائی وزیر بورڈ آف ریونیو میر عاصم کرد گیلو نا جندی است خواہی آن ضلع کچھی ٹی پوسکن آ تحصیل و سب تحصیل جوڑ کننگ ستاکڑزوک و الس دوست ءُ عمل اسے۔ او پارے کہ گیلو صاحب تینا حلقہ ٹی الس نا آسودہی و السی جم فائدہ غاتے الس نا درگہ غا سر کننگ کن مدام کوشست اٹی ءِ‘ وائس چیئرمین یو سی کاموئی محمد گل جلبانی و جلبانی نا الس صوبائی وزیر میر عاصم کرد گیلو آن اسہ اہم ءُ خواست کیرہ کہ یو سی کاموئی نا پن ءِ بدل کرسا اودے یو سی جلبانی تخنگے، انتئے کہ کاموئی ہچ ءُ پن اس اف بلکن اسہ فرضی ءُ پن اسے۔ میٹ جلبانی تحصیل ڈھاڈر نا کل آن مستین و تاریخی آ خلق ءِ‘ ہرا 1800ء اٹی آباد مس۔ بھلو کچ اسے ٹی آبادی والا خلق انا بندغ آتا صوبائی وزیر میر عاصم کرد گیلو آن اسٹ انگا خواست ءِ کہ خلق جلبانی ءِ یو سی جلبانی نا پن تننگے تانکہ جلبانی قوم انا پجار ءِ شرف تننگے۔ ڈھاڈر بولان (رپورٹ: سمیع اللہ جلبانی)