Get real time updates directly on you device, subscribe now.
اسلام آباد: بنجائی حکومت پاکستان اٹی زرگزرانی حالیت آتے گچین کننگ کن 5 ایزنالائحہ عمل اس تیار کرینے ہرانا رداٹ برآمدآتیٹی ودکی، چاگڑدی بدلی تا رداٹ ڈٹ آتے اولیت، اڑزان بجلی نا فراوانی، شونداری نا بریبر حق و پاکستان ءِ ٹیکنالوجی نا بشخ اٹی شونداری تننگ اوار ءِ۔ وزارت ڈٹ بندی کمامدارآتا رداٹ پاکستان ءِ ہرا ویل آتامون تروک ءِ، اوفتا اسٹ انگا ایسر کاروبار ءِمون آ دننگ و برآمد آتیٹی ودکی ءِ۔ قوم ءِ زرگزرانی شونداری کن مون تروک ویل آتے وارخواہی تیٹی بدل کننگ نا کسب ءِ تینا کروئی مریک و منافرت و سیاسی اختلاف آتے است آن درسا مون آ ہنوئی مریک۔ دارداٹ بنجائی شونداری بجٹ ءِ 5 ایز فریم ورک اتون ہم گرنچ تخنگانے۔ ملک ءِ زرگزرانی تنکی آن کشنگ کن ہدف آتا تعین المی ءِ۔ چنکا کاروبار نا بشخ ءِ سرمایہ تننگ و سازگار چاگڑد اس فراوان کننگ حکومت نا اولیت آتیٹی اوار ءِ۔
(اے پی پی)