چوہدری پرویز الٰہی ءِ زندان اٹ بی کلاس تننگ نا درخواست سر تننگا

لاہور: لاہور ہائی کورٹ مسکوہی وزیراعلیٰ پنجاب چوہدری پرویز الٰہی ءِ زندان اٹ بی کلاس تننگ نا دائر درخواست آ عملدرآمد مننگ نا بناآ سرتس۔ لاہور ہائی کورٹ نا جسٹس وحید خان درخواست آ سماعت کرے ہراٹی مسکوہی وزیراعلیٰ پنجاب چوہدری پرویز الٰہی ءِ زندان اٹ بی کلاس تننگ نا خواست کننگاسس۔ سے شنبے نادے آ سماعت آ پنجاب حکومت نا سرکاری وکیل عدالت اٹ زندان سپرنٹنڈنٹ نا کنڈآن رپورٹ جمع کرفے ہراٹی پاننگاکہ چوہدری پرویز الٰہی ءِ زندان اٹ بی کلاس تننگانے و اودے پین آسراتی ہم فراوان کننگ انگ ءِ۔ عدالت سرکاری وکیل نا عملدرآمد رپورٹ ءِ مون آتخسا دائر درخواست ءِ سرتس۔

(اے پی پی)