غٹ حکومتی مشینریک کوروناوائرس نا چیلنج تون مون تننگ کن فعال ءُ ، جام کمال

0

Get real time updates directly on you device, subscribe now.

کوئٹہ(اے پی پی)وزیراعلیٰ بلوچستان جام کمال خان پارینے کہ کورونا وائرس تون مون تننگ کن ڈاکٹر و طبی عملہ فرنٹ لائن آ گچین کاریم کننگ ءُ، ہرافتارکھ ہم المی ءِ، ہراڑکن اوفتے غٹ درکار آسراتی فراوان کننگک، کوروناوائرس نا چیلنج تون مون تننگ کن غٹ حکومتی مشینریک فعال ءُ ، ولے تعلقدار باندات آتا انجام تننگ کن مینجمنٹ نا پین گچینی نا گرج ءِ، صوبہ ٹی ہیلتھ ایمرجنسی نافذ ءِ ہنداسوب آن محکمہ جان جوڑی ایمرجنسی کلاز نا رداٹ آئیسولیشن ہند آتے کن ہلہلہ ئی بنداو آ درکار طبی ازباب آتا ہلنگ نا عمل ءِ دمدستی وڑاٹ پوروکے، داخیال آتا درشانی ءِ او کورونا وائرس نا توننگ نا گام گیج آتا جاچ و اوفتے پین گچین کننگ کن جوڑ ایپکس کمیٹی نا دیوان نا کماشی ءِ کرساکرے۔ صوبائی وزیر میر ظہور احمد بلیدی، انجینئر زمرک خان اچکزئی ، کورونا وائرس نا توننگ نا کور کمیٹی نا چیئرمین چیف سیکرٹری بلوچستان فضیل اصغر و ایلوتعلقدار کمامدارآک دیوان اٹی بشخ ہلکر۔ وخت اس کہ سیکرٹری جان جوڑی دیوان ءِ آئسولیشن ہند آتا جوڑ کننگ تون اوار ایلو تعلقدار باندات آتیا حوال ترسا پارے کہ ایمرجنسی بنداو تیا سول ہسپتال و بولان میڈیکل ہسپتال کمپلیکس اٹی 30سی کمرہ غاتیا تالان آئیسولیشن ہند اس جوڑ کننگانے، وزیراعلیٰ محکمہ جان جوڑی نا سٹرکچر اٹی ساڑی حالیت آتارداٹ بدلی کرسا زمواری تابشخنگ نا پارت کرے وخت اس کہ او کور کمیٹی نا کنٹرول روم اٹی پین آفیسر آتا تعیناتی نا کمک اٹ اوفتے زمواری تننگ نا پارت کرسا پارے کہ غٹ گام گیج آتے مربوط کرسا ہر آفیسر ءِ تروک آ زمواری تے خواری و لگن اٹ ادا کروئی مریک و دا بابت ڈیوالائی ءِ سگنگ پننگک۔

Get real time updates directly on you device, subscribe now.

Leave A Reply

Your email address will not be published.