’کورونا وائرس نا ویکسین جوڑ کننگ کن سال یک و نیم اس لگک‘دواساز کمپنیک

 اسلام آباد( آن لائن ) دارو جوڑ کروک آ کمپنی تا ماہرک اومیت کرینو کہ کورونا وائرس نا ویکسین ءِ جوڑ کننگ اٹ 12 آن 18 تُو لگک۔ دارو جوڑ کروک آ کمپنی تا کماش آک و جہانی فیڈریشن آف فارماسیوٹیکل مینوفیکچررک و ایسوسی ایشن جنیوا ٹی اڈ ہلوک اسہ ورچوئل پریس کانفرنس اسے ٹی پارینو کہ اگہ نن ویکسین نا جوڑ کننگ اٹ مچہ ترندی اتینہ ولے ٹیسٹنگ نا نتیجہ غاتیکن وخت درکار مریک۔ آئی ایف پی ایم اے نا صدر ڈیوڈ رکس اُست ترسا پارینے کہ ٹیکنالوجی نا کمک اٹ وائرس آ کنٹرول کننگ اٹ سرسہب مرینہ۔ یات سلے کہ مچ آ دنیا ٹی کورونا وائرس آن زوال کروک آتا کل کچ 9 ہزار آن زیات ءِ وخت اس کہ 2 لکھ 17 ہزار ناجوڑ ءُ۔ سونوفی پاسچر نا ایگزیکٹو نائب صدر ڈیوڈ لوئیو پارینے کہ ہراتم نُم دا سوچرہ کہ نن اخس بندغ آتے ویکسین کنفنہ، اسہ وار ننتون ویکسین مریک تو نن مچ آ دنیا ٹی ارب آ بندغ آتے ویکسین تننگ نا ہیت کننگ انگ ءِ او دا اسہ بھاز بھلو چیلنج اسے۔