پاکستان ءِ اقتصادی وڑاٹ سوگو ہُننگ خوانہ، ترجمان امریکی محکمہ خارجہ

پاکستان نا آئی ایم ایف و جہانی مالیاتی ادارہ غاتون گپ وتران برجاءِ، پاکستانی شریدار نا مخ تفی ءِ کینہ،نیڈ پرائس

0

Get real time updates directly on you device, subscribe now.

واشنگٹن: امریکی محکمہ خارجہ پارینے کہ امریکہ پاکستان ءِ اقتصادی وڑاٹ سوگو ہُننگ ناخواہندار ءِ۔ امریکی محکمہ خارجہ نا ترجمان نیڈ پرائس ہڑدے ئی بنداو آ مروک آ پریس حوال اٹی پارے کہ پاکستان نا حکومت جہانی مالیاتی فنڈ (آئی ایم ایف) و ایلو جہانی مالیاتی ادارہ غاتون گپ وتران کننگ اٹی ءِ۔ اوپاکستان نا زرمبادلہ نا کوڑی تا کم مننگ نا بابت سوج انا ورندی ٹی پارے کہ نن سرپند مرینہ کہ دا اسہ چیلنج اسے۔ اوپارے کہ ننے سما ءِ کہ پاکستان آئی ایم ایف و جہانی مالیاتی ادارہ غاتون کاریم کننگ ءِ، نن پاکستان ءِ اقتصادی وڑاٹ سوگو پوزیشن آ ہُننگ خوانہ۔ اوپارے کہ ہراڑسکان کہ ننے سما ءِ پاکستان نا آئی ایم ایف و جہانی مالیاتی ادارہ غاتون گپ وتران برجاءِ۔ نن تینا پاکستانی شریدار آتا مخ تفی ءِ کینہ ولے آخر کار دا پاکستان و جہانی مالیاتی ادارہ غاتا نیام انا باندات اسے۔ ترجمان پاکستان نا مالیاتی چیلنج آتیا امریکی گام گیج آتیا زور شاغسا پارے کہ ننا پاکستانی شریدار آتتون گپ وتران اٹی گیشتر تکنیکی ویل مون تروک مریک۔ گیشتری دا ویل آتے محکمہ خزانہ و ننا پاکستانی شریدار آتا نیام اٹ ایسر کننگک ولے محکمہ خارجہ و ننا ہم منصب آتا نیام اٹ گپ وتران نا سرحال پاکستان نا میکرو اکنامک سوگوی ءِ۔

(اے پی پی)

Get real time updates directly on you device, subscribe now.

Leave A Reply

Your email address will not be published.