بلوچستان، سندھ پنجاب اٹ باسنی نا ودنگ نا گمان
Get real time updates directly on you device, subscribe now.
لاہور : ملک انا مسہ صوبہ ٹی ہیٹ ویوو نا الرٹ جاری کننگا، محکمہ موسمیات خبردار کرے کہ سویلی پنجاب، سندھ و بلوچستان تون اوار گیشتری ہند آتیا درجہ حرارت پین ودک‘ حوال نا رد اٹ سال انا کل آن باسن آ تُو جون انا بنا غان مست ملک انا گیشتر علاقہ غاتے ٹی قیامت نا باسنی اس مریک۔ دا بابت محکمہ موسمیات ناکنڈآن باقاعدہ الرٹ ہم جاری کننگانے۔ میڈیا رپورٹ آتا رد اٹ محکمہ موسمیات ملک انا گیشتر ضلع غاتے ٹی درجہ حرارت نا ودنگ و ہیٹ ویو نا گڑتی درشان کرینے‘ دا بابت محکمہ موسمیات نا رپورٹ نا رد اٹ ملک انا گیشتری علاقہ غاتے ٹی باسنی ہڑدے ودنگ اٹی ءِ۔ محکمہ موسمیات خبردار کرینے کہ ملک انا مسہ صوبہ ٹی باسنی پین ودک وبرجا ہفتہ نا اخیر اٹ ہیٹ ویو نا خلیس اے۔ ہیٹ ویوو نا بابت محکمہ موسمیات نا رپورٹ نا رد اٹ بروک آ دے تے ٹی سویلی پنجاب، سندھ و بلوچستان تون گیشتری ہند آتیا باسنی ودک۔
(آن لائن)