نوشکے‘سنی علماء کونسل نا 9مئی نا واقعہ غاتابرخلاف برانز
Get real time updates directly on you device, subscribe now.
نوشکے : سنی علماء کونسل نا بنجائی خواست آ پاک فوج اتون یکجہتی نا درشانی و 9مئی نا واقعہ غاتا برخلاف سنی علما کونسل نوشکے نا کارندہ غاک پریس کلب نا مون آ برانزی مچی اڈ تسر‘ برانزیک پاک فوج انا مخ تفی ٹی و عمران خان نابرخلاف نعرہ خلکر۔ داوخت آ برانزی تیان تران کرسا سنی علماء کونسل نا بنجائی ڈپٹی سیکرٹری حافظ محمد قاسم فاروقی‘ ضلعی امیر حافظ محمد ابراہیم الحسینی‘ حافظ علی معاویہ و جمیل احمد صدیقی اسک پاریر کہ 9مئی نا واقعہ غاک پاش ءُ ملک دشمنی ئسر‘ ہراٹی تحریک انصاف نا شرپسند آک عسکری ملکیت و شہید آتا یاتگار تیا جلہو کرسا تینا ملک دشمنی ءِ پک کریر۔ اوپارے کہ عمران خان مخلوق ءِ بغاوت وبیدادی آ وگائفنگ نا جاگہ غا عدالت آتے ٹی مقدمہ غاتتون مون ایتے۔ او پاریر کہ مچ آ قوم پاک فوج اتون سلوک ءِ۔ تحریک انصاف دشمن ملک آتا جاگہ غا ملکی فائدہ کن سجفے۔ سنی علما کونسل 9مئی نا بیدادی آ ساڑی واقعہ غاتا مذمت ءِ کیک و نن خواست کینہ کہ دا واقعہ غاتا زموار آتے سخت سزا تننگے۔