صوبہ نا مالی تنکی ءِ بنجانا گوجالنگ نا پالیسی اسُل عجب ءِ، قدوس بزنجو

0

Get real time updates directly on you device, subscribe now.

کوئٹہ:وزیراعلیٰ بلوچستان میر عبدالقدوس بزنجو صوبہ نا مالی تنکی آ گڑتی نا درشانی ءِ کرسا پارینے کہ صوبہ نا مالی تنکی آ وار وار بنجاءِ معلومدار کرینن بنجانا گوجالنگ نا پالیسی اسُل عجب ءِ، حکومت بلوچستان تینا ملازم آتا تنخواہ تے ہم تننگ نا وڑ اٹ سلتنے، صوبہ ٹی غٹ شونداری کاریمک ژند مسنو۔ وزیراعلیٰ پارے کہ ترند انگا یخ اٹی نوکاپ آن زہمیک بحالی نا چاری ءُ، ننے ننا شیئر ملے تینا زہمی تے تینٹ سنبھالنگ کینہ، اوپارے کہ وزیراعظم تو ننا ہیت ءِ سمجھنگ ءِ ولے تعلقدار محکمہ باندات ءِ سنجیدہ ہلپننگ ءِ وزیراعظم آن خواست کینہ تعلقدار محکمہ غاتا ٹیم آتون اوار کوئٹہ غا برسا تینٹ بلوچستان نا مالی تنکی نا جاچ ءِ ہلے۔ میر عبدالقدوس بزنجو پارے کہ وزیراعظم تینٹ نوکاپ آن زہمی علاقہ غاتا دورہ ءِ کرینے اودے حالیت آتا جوانی اٹ اندازہ ءِ، وزیراعظم نا منت وار اُن کہ او بلوچستان نادڑد ءِمحسوس کیک۔ اوپارے کہ صوبہ ءِ مشکل آتیان کشنگ کن بنجا پڑو تو کرے ولے عملدرآمد مفننگ ءِ ہندا رویہ غاتیان احساس محرومی ودی مریک وار وار نن پارین کہ پنڈ آخا این ایف سی ایوارڈ اٹ صوبہ نا ہرا شیئر ءِ اودے تننگے تاخیر آن باندات آک پین خراب مریرہ۔ میر عبدالقدوس بزنجو پارے کہ وزیراعظم پی پی ایل آن ہم صوبہ نا واجبات آتا ادائیگی ٹی کڑد ادا کے۔

(اے پی پی)

Get real time updates directly on you device, subscribe now.

Leave A Reply

Your email address will not be published.