ایران سیم آن دہشتگرد آتا کارروائی، سیکورٹی فورس آتا 4 ورنا شہید
Get real time updates directly on you device, subscribe now.
راولپنڈی: پاک ایران سیم اناایپار آن دہشتگرد آتا کارروائی سے ٹی سکیورٹی فورس آتا چار ورنا شہید مسنو‘ پاک فوج انا ترجمان نا رد اٹ پاک ایران سیم آ سیم انا ایپار آن دہشتگردی نا کارروائی بلوچستان نا ضلع پنجگور نا چکاب سیکٹر اٹ کننگا ہراڑے دہشتگرد آک سیم آ گشت کروک سکیورٹی فورس آتا قافلہ ءِ شست کریر و داڑکن ایرانی ڈغار ءِ کاریم اٹ ایسر۔ آئی ایس پی آر نا رد اٹ ایرانی کمامدار آتے پاننگنے کہ او دمدستی ہمو دہشتگرد آتے پٹسا اوفتا برخلاف کارروائی کیر‘ شہید مروک آتے ٹی 25 سال انا سپاہی اسد علی اوار ءِ ہرانا تعلقداری آزاد کشمیر نا ضلع سندھنوتی نا تحصیل بلوچ نا خلق ہمروتہ غان ءِ‘ داڑان بیدس 29سال انا لانس نائیک فرید اللہ خان ہم شہید مسنے ہرانا تعلقداری ضلع لکی مروت نا خلق پہاڑ خیل پکا آن ءِ‘ لانس نائیک عبدالرزاق ہم شہید مس ہرانا تعلقداری لکی مروت نا خلق خاواخیل آن ءِ اونا وہی 31سال ئس وخت اس کہ 24 سال انا لانس نائیک محمد یونس خان شہیدناتعلقداری ہم ضلع لکی مروت نا علاقہ باچا خان احمدزئی آن ئس۔
(آن لائن)