پاکستان و روس ءِ کمکاری کچ آن فائدہ ہرفنگ نا گرج ءِ، ڈاکٹر کاظم

0

Get real time updates directly on you device, subscribe now.

اسلام آباد: واپار، زرگزران، سائنس وتکنیکی کمکاری نا بشخ آتیٹی پاکستان و روس انا بین الحکومتی کمیشن نا دیوان بناکرے۔ چارشنبے نادے آ داڑے بناکروک آ دیوان اٹی روس انا 80 باسکی ڈل بشخ ہلنگ اٹی ءِ۔ سیکرٹری اقتصادی باندات ڈویژن ڈاکٹر کاظم نیاز تینا بنائی تران اٹی پارے کہ پاکستان و روس انا نیام اٹ چندی بشخ آتیٹی کمکاری نا مسابقتی کچ آن پبی فائدہ ہرفنگ نا گرج ءِ۔ اوپارے کہ ملک اٹی تدوک آ بشام اٹی بروک آ نوکاپ آن بھلو کچ اسے آ جانی و مالی نسخان مسنے۔ پاکستان نوکاپ آن زہمی بندغ آتا امداد کن جہانی برادری نا مخ تفی نا ستاءِ کیک۔ جہانی برادری تنکی نا وخت اٹی پاکستان نا کمک ءِ کرے ہرا ستاکڑزک۔ اوتنکی نا وخت اٹی روس انا کنڈآن امداد نا فراوانی نا ہم ستا ءِ کرے۔ اوپارے کہ پاکستان و روس انابین الحکومتی کمیشن نا دا بنائی سیشن نا مسخت چندی بشخ آتیٹی کمکاری نا کسر تے پٹگسا ہڑتوم آ ملک آتا نیام اٹ تعلقداری تے مون آ دننگ نا ءِ۔ اوپارے کہ پاکستان واپار، زرگزران و زرکاری نا بشخ آتیٹی روس اتون اوار جہانی برادری تون تعلقداری و کمکاری ءِ مون آ دننگ خواہک و دا ساڑی آ حکومت نا اولیت آتیٹی ہم اوار ءِ۔ روسی ڈل انا سروک و وزارت اقتصادی شونداری نا ڈپٹی ڈائریکٹر اسرافیل علی زادے تینا تران اٹی پارے کہ روس پاکستان تون تینا تعلقداری تے قدر انا نظر اٹ ہرک۔ اوپارے کہ داوخت آ زرگزران نا چندی بشخ آتیٹی پاکستان و روس انا نیام اٹ گچین تعلقداری جوڑ ءِ، ننا است خواہی ءِ کہ ہڑتوم آ ملک آتا نیام اٹ تعلقداری تے پین مون آ دننگے۔ اوپارے کہ نن سرپند مرینہ کہ ہڑتوم آ زرگزران تیٹی بھلو کچ اس ساڑی ءِ ہرافتیان فائدہ ہرفنگ نا گرج ءِ۔

(اے پی پی)

Get real time updates directly on you device, subscribe now.

Leave A Reply

Your email address will not be published.