کوئٹہ تون اوار بلوچستان نا کیہی علاقہ غاتیٹی پر و برف

0

Get real time updates directly on you device, subscribe now.

کوئٹہ :کوئٹہ دامان تون اوار بلوچستان نا قطبی و بڑزکو و ایلو علاقہ غاتے ٹی پِر و برف انا سوب آن مَش و میدان تے ٹی برف سلیس و یخ انا زیات مننگ و گیس پریشر اٹ کمتی تا سوب آن شاری تا مشکل آک ودار‘تدوک آ دے محکمہ موسمیات بلوچستان نا قطبی و بڑزکوعلاقہ کوئٹہ، مستونگ، ژوب، بارکھان، زیارت،چمن، پشین، سبی، نوکنڈی، دالبندین، ہرنائی، قلعہ سیف اللہ، قلعہ عبداللہ،مسلم باغ، قلات، خضدار، تربت، چاغی، خاران، واشک،پنجگور، کیچ و مکران نا کرکی علاقہ غاتے ٹی پِر و برف انا گمان درشان کریسس تدوک آ نن کان مہترزئی و ایب کیب انا علاقہ کوژک ٹاپ پشین، مسلم باغ، قلعہ عبداللہ، کان مہترزئی، تون اوار ایلو علاقہ غاتے ٹی ننکان وپِر و برف بٹنگ نا چر بنا کرے ہرا کرار کرار آ ودسا کرے و چار شنبے نا نیمروچ آ صوبائی دارالحکومت کوئٹہ، کاریزات تون اوار ایلو علاقہ غاتے ٹی پِر و برف بٹنگ نابنا کرے ہرانا سوب آن یخ ہم ودا۔ کوئٹہ نا کیہی علاقہ غاتیان گیس پریشر اٹ کمتی نا غاوک رسینگانو۔ یات سلے کہ صوبائی وزیر پی ڈی ایم اے میر ضیاء اللہ لانگو نا خصوصی پارت آ ڈی جی پی ڈی ایم اے نا ٹیمک موٹر وے پولیس، ضلعی انتظامیہ نا اواری اٹ ہرا علاقہ غاتے ٹی برف بٹینے ہموڑے کسرتے بحال کننگ کن ہیوی مشینری تتون ساڑی ءُ و سڑک آتیان برف آتے اینک کرسا ٹریفک ءِ بحال کننگ ءُ و کیہی سڑک آتیا برف انا سوب آن لغوشت آن بچنگ کن بے شاغنگانے۔ کوڑک ٹاپ، کان مہترزئی، خانوزئی، قلعہ سیف اللہ، مسلم باغ، زیارت وایلو علاقہ غاتے ٹی ہم سڑک آتیان انتظامیہ ہیوی مشینری تا کمک اٹ برف آتے اینک کننگ ءُ۔ یات سلے کہ محکمہ موسمیات ناکنڈآن پِر و برف انا اِرا دے اسکان برجا سلنگ نا گمان کننگانے ویخ انا ودنگ نا ہم پیشگوئی کرینے۔

(آن لائن)

Get real time updates directly on you device, subscribe now.

Leave A Reply

Your email address will not be published.