سفیر ءِ مسجد اقصٰی ٹی پترینگ آن توننگ آ اردن نا اسرائیل آن برانز

0

Get real time updates directly on you device, subscribe now.

عمان: اردن نا وزارت خارجہ عمان اٹی اسرائیلی سفیر ءِ بٹنگسا اردن نا سفیر ءِ مسجد اقصٰی ٹی پترینگ انگ آن توننگ آ سخت برانز کرینے۔ سعودی خبررساں ادارہ نا رداٹ اردن نا وزارت خارجہ نا ترجمان سفیر سنان مجالی پارے کہ اسرائیلی سفیر ءِ برانزی چٹھی اس تننگانے ہراٹی تل ابیب اٹی تعینات اردنی سفیر ءِ مسجد اقصٰی نا دورہ غان توننگ آ سخت برانز کننگانے و اسرائیلی سفیر ءِ پاننگانے کہ او دا چٹھی ءِ دمدستی وڑاٹ تینا حکومت آ گدریفے۔ برانزی چٹھی ٹی پاننگانے کہ مقبوضہ بیت المقدس و مسجد اقصٰی نا امور نا غٹ زمواریک اردن نا ءُ و اردنی اوقاف اسلامی امور ومقدس ہند، مسجد اقصٰی /الحرم الشریف نا غٹ امور و اوڑاسکان رسینگ ءِ منظم کننگ کن خصوصی دائرہ اختیار اتون کانودی اتھارٹی ءِ۔ برانزی چٹھی ٹی داہیت آ ہم زور شاغنگانے کہ اسرائیل اسہ کوزہ گیر طاقت اسے نا وڑاٹ مقبوضہ بیت المقدس و اونا ہند خاص وڑاٹ مسجد اقصٰی نا بابت جہانی کانود، خاص وڑاٹ جہانی انسانی کانود نا رداٹ تینا زمواری تے پورو کے۔ اسرائیل آن خواست کننگاکہ او ہرہمو گام گیج آن پاناد کے ہراڑان مقدس ہند آتا حرمت و اوفتے ٹی ساڑی تاریخی و کانودی حیثیت ءِ بدل کننگ نا کسر آوار مننگ کے۔

(اے پی پی)

Get real time updates directly on you device, subscribe now.

Leave A Reply

Your email address will not be published.