بلوچستان نا شونداری کاریم تے زوت پورو کننگک، بنجائی وزیرک
Get real time updates directly on you device, subscribe now.
اسلام آباد/کوئٹہ(آن لائن) وزیراعلی بلوچستان جام کمال خان بنجائی وزیر برائے ڈٹ بندی و شونداری اسد عمر تون بلوچستان ہاؤس اٹ اوڑدہی کرے، بنجائی وزیر برائے دفاعی پیداوار گودی زبیدہ جلال، سینیٹر انوارالحق کاکڑ و قومی اسمبلی نا باسک نوابزادہ خالد خان مگسی ہم او وخت آ ساڑی ئس۔ اوڑدہی ٹی بلوچستان کن بنجائی ڈٹ آتیا عملدرآمد و دافتا پیشرفت آن بیدس سویلی بلوچستان و ایلو ضلع غاتیٹی خاص شونداری پیکج تون اوار صوبہ نا ایلو شونداری ویل آتیا جوان ہیت وگپ کننگا، وزیراعلی بلوچستان نا شونداری کن وزیراعظم و بنجائی وزیر ڈٹ بندی نا خاص اُست خواہی و عملی گام گیج آتا ستا ءِ کرسا پارے کہ بنجائی حکومت نا بلوچستان نا شونداری کن جوان رویہ و عملی گام گیج آک ننکن گچین ءُ۔