ریکوڈک‘ 6ارب ڈالر ڈنڈ آ حکم امتناع نا بابت سرسہبی
Get real time updates directly on you device, subscribe now.
کوئٹہ(آن لائن)ریکوڈک ڈٹ، جہانی بینک انا ثالثی فورم اکسیڈ پاکستان ءِ6 ارب ڈالر ڈنڈ آ حکم امتناع دوئی کرے، وخت اس کہ اٹارنی جنرل آف پاکستان خالد جاوید پارینے کہ فیصلہ غان پد داسہ پاکستان اسہ پُوسکن ءُ کوندی حکمت عملی اسے نا رداٹ ودک، ننا کوشست مریک کہ پاکستان نا برخلاف فیصلہ ءِ ایسر کرفنگے ہرانا داسہ آثار ودی مسنو۔ حوال نا رداٹ انٹرنیشنل سینٹرفارسیٹلمنٹ آف انویسٹمنٹ ڈسپیوٹ اٹ پاکستان ءِ اہم کانودی سرسہبی رسینگانے، جولائی 2019 ٹی اکسیڈ ٹریبونل آسٹریلوی کمپنی ٹیتھیان نا حق اٹ فیصلہ تسوسُس و پاکستان ءِ6 ارب ڈالر تننگ نا حکم تننگاسُس۔ اٹارنی جنرل آفس ٹریبونل نا فیصلہ کانودی ٹیم نا بھلو سرسہبی اس پن کرینے۔ دا معاملہ غا پک سماعت مئی 2021 ٹی مریک۔