عمران خان آن ٹرپل پلس این آر او خواہنگ انگ ءِ ڈاکٹر بابر اعوان

اسلام آباد (اے پی پی) وزیراعظم نا سلاہکار پارلیمانی امور ڈاکٹر بابر اعوان پارینے کہ غٹ ادارہ غاک اسہ پنہ غاٹو، عمران خان آن ٹرپل پلس این آر او خواہنگ انگ ءِ ، اے پی سی نئے مہالو سرسہب مس نئے داسہ مریک، اپوزیشن نا ایجنڈا دُز درگہ غان اقتدار نا دوئی کننگ ءِ ، دنیا نا غٹ آن بھلا گوازی گر ننا وزیراعظم ءِ ، داسہ ملک اتون ہچ کس ءِ گوازی کننگ کن الیپنہ۔ سلاہکار پارلیمانی امور نا میڈیا آفس نا رداٹ او چکری ٹی اسہ بیابخیری سے آن تران کریکہ۔ اوپارے کہ اولیکو وار ہندن ءُ بندغ اسے نا حکمرانی ءِ ہراڑان چنکاک آخا بھلا مافیاک خلیرہ۔ عمران خان نا سوب آن دنیا ٹی پاکستانی پاسپورٹ نا شرف بحال مسنے۔ اوپارے کہ گڑاس مخلوق ہرفرہ کہ بدلی ہراڑے کن ءِ اوفتے دا پاننگ خواوہ کہ ملک اٹی بدلی بسنے۔ اوپارے کہ اپوزیشن جماعت آتا اے پی سی نئے مہالوسرسہب مس نئے داسہ مریک۔ اپوزیشن نا ایجنڈا بیرہ دُز درگہ غان کرسی نا دوئی کننگ ءِ۔ ڈاکٹر بابر اعوان پارے کہ دنیا نا غٹ آن بھلا گوازی گر ننا وزیراعظم ءِ۔ داسہ داڑے پین ہچ ءُ گوازی اس چلینگپک۔ نئے ملک اتون گوازی کننگ کن الینہ۔ اوپارے کہ بھارت نا خن تیٹی خن تے خلوک پین کس اف بیرہ وزیراعظم عمران خان ءِ۔ اسٹ ہمو وزیراعظم ئس ہرا مودی ءِ تینا اُراغا ایس و لمہ کن ساڑھی ٹیکی ٹی تس۔ نوازدور اٹی بالی پٹ آ مودی نا امیگریشن مس نئے ویزہ ہلنگ نا گرج تما۔ بابر اعوان پارے کہ دنیا خنا کہ رانا چیف و جندال تہہ ٹی ئسر و ننا ادارہ غاک روڈ آ۔ اوپارے کہ ملک انا غٹ ادارہ غاک اسہ پنہ غاٹو۔ عمران خان آن ٹرپل پلس این آر او خواہنگ انگ ءِ ہرافے نیمہ ملین وونٹ ملتو او ملین مارچ ہراکان کیرہ۔ جمہوریت سوگو ءِ۔ حکومت پنچ سال ءِ پورو کیک۔ ہر ہیت آ ریاست ءِ طعنہ خلوک آک آخر دِنا خذمت ءِ کیرہ۔