پشاور اٹ خود کش دھماکہ، ایف سی کارندہ غاتتون اوار 8 بندغ ٹھپی
Get real time updates directly on you device, subscribe now.
پشاور : پشاور نا علاقہ حیات آباد نا فیز 6 اٹ خود کش دھماکہ مس‘ ہرانا سوب آن ایف سی کارندہ غاتتون اوار ہشت بندغ ٹھپی مسر‘ ڈہ رسینگ آ ریسکیو 1122 نا ایمبولینس، فائر وہیکل و سکیورٹی ادارہ غاک جاگہ غا سرمسر‘ ٹھپی تے حیات آباد میڈیکل کمپلیکس آ گدریفنگا‘ دھماکہ غان گاڈی پورو وڑ اٹ بھس مس‘د ھماکہ غان گڈ کانود نافذ کروک ادارہ غاک علاقہ ءِ گھیڑ کریر‘ ایس پی کینٹ وقاص رفیق خود کش دھماکہ ءِ پک کرینے ہرا فرنٹیئر کور (ایف سی) نا گاڈی نا خڑک آ مسنے‘ دھماکہ ٹی اِرا گاڈی بھس مسنو‘ پولیس نا رد اٹ دھماکہ ٹی 8 بندغ ٹھپی مسنو ہرافتے ٹی 6 سکیورٹی کارندہ اوار ءُ۔ ہرافتیان ارٹ نا حالت خراب ءِ‘ پولیس نا رد اٹ دہشت گرد آتا ٹارگٹ سکیورٹی فورس آتا کارندہ غاک ئسر۔
(آن لائن)