محرم الحرام اٹ سیکورٹی بست و بند آتے سخت کننگک‘ ڈی سی کچھی
Get real time updates directly on you device, subscribe now.
ڈھاڈر: محرم الحرام اٹ سیکورٹی انتظام آک پورو و جلوس نا کسر تا سخت نگرانی ءِ کننگک۔ محرم الحرام اٹی امن و ایمنی تخنگ و ادارہ غاتا رکھ اکن پورو سیکورٹی پلان اس تیار کننگانے دا بابت اٹ ڈپٹی کمشنر کچھی محمد حسین نا کماشی ٹی دیوان اس اڈ ہلک ہراٹی محرم الحرام اٹ سیکورٹی انتظام و دانا بابت حکمت عملی نا جاچ ءِ ہلکر۔ دیوان اٹ ایس پی کچھی عیسیٰ جان رند مچ آ ضلع نا ڈی ایس پیز اسسٹنٹ کمشنر لیویز و پولیس نا ایس ایچ او و ایلو کانود نافذ کروک آ ادارہ غاتا افسر تیان بیدس جتا جتا علاقہ غاتیان اہلسنت و اہل تشیع نا کارندہ غاک بشخ ہلکر۔ ہراڑے عاشورہ محرم نا سوب آن رکھوک آ گڑا و ایلو ویل آتا جاچ ءِ ہلسا اوفتے آ ہیت وگپ کریر۔
(آن لائن)