لیویز فورس بلوچستان نا امن تون اوار ربیدہ غاتا ہم رکھوک ءِ، وزیر اعلیٰ

0

Get real time updates directly on you device, subscribe now.

کوئٹہ: وزیراعلیٰ بلوچستان میر عبدالقدوس بزنجو لیویز فورس پاسنگ آؤٹ پریڈ نا وخت آ ٹؤیٹر آ جاری کروک کلہو اسے ٹی پارینے کہ امن ایمنی نا بحالی، قدرتی آفت و ایلو اہم انگا وخت آتیا بلوچستان لیویز فورس نا کارکڑد ستا کڑزک۔ وزیراعلیٰ پارے کہ گچین کارکرد نا خواجہ لیویز فورس ءِ سلہہ غان شُپ کننگ تون اوار پوسکن آ وڑ تتون گنڈنگ انگ ءِ۔ ودا گمر نا ہیت اسے کہ فورس انا ورنا تے دہشت گردی تور، کوئک رسپانس، سی پیک ونگ و آئی ٹی ونگ تون اوار اخلاقی قدر آتا بابت ہم خصوصی ٹریننگ تننگانے، وزیراعلیٰ پارے کہ ہیلکاری آب فورس ءِ پین سوگو، و گچین کیک۔ و دا اہم انگا وخت آ لیویز نا شہید آتے خراج عقیدت و پوسکن پاس آؤٹ مروک آ ورنا تے مبارکبادی ایتوہ۔ او دا اومیت نا درشانی کرے کہ پاس آؤٹ مروک آ ورناک تینا گچین کارکڑد نا کمک اٹ تینا فورس و مچ آ صوبہ و ملک انا پن ءِ روشنا کیرہ۔ و زیراعلیٰ پاس آؤٹ مروک ورنا تا سرسہبی کن نیک است خواہی نا درشانی کرے۔ (خ ن)

Get real time updates directly on you device, subscribe now.

Leave A Reply

Your email address will not be published.