سی پیک علاقائی شونداری نا بابت پاکستان کن کمکار مریک، احسن اقبال

اسلام آباد:بنجائی وزیر ڈٹ بندی، شونداری، اصلاحات و خصوصی گام گیج احسن اقبال پارینے کہ سی پیک علاقائی رابطہ غاتا مون آ دننگ اٹ پاکستان کن کمکار جوڑ مریک، پاکستان سی پیک نا بروک آ ریسہ ٹی چین اتون بزنس ٹو بزنس تعلقداری آ چکار کرسا واپاری رابطہ غاتے پین ودفک، چین نا بیلٹ اینڈ روڈ انیشیٹو پاکستان ناقومی فائدہ و شونداری حکمت عملی نا عین رداٹ ءِ۔ چینی میڈیا ءِ انٹرویو ٹی اومستی پارے کہ دا ڈٹ سی پیک نا کمک اٹ تدوک آ دہ سال آتیٹی پاکستان نا زرگزران و شاری تا زند انا آب ءِ گچین کرینے۔ اونا مستی پاننگ ئس کہ سی پیک پاکستان ءِ نیامی و سویلی ایشیا نا ملک آتا نیام اٹ اقتصادی تعلقداری تے گچین جوڑ کننگ اٹ کمکار مریک و علاقہ ءِ آخبت اٹ جہانی زرگزران نا مرکز اٹی بدل کیک۔ اوپارے کہ پاکستان سی پیک نا بروک آریسہ ٹی چین اتون بزنس ٹو بزنس تعلقداری آ چکار کرسا واپاری رابطہ غاتے پین ودفک۔

(اے پی پی)