براہوئی زبان ءِ ننا

اسماعیل خنجری

0

Get real time updates directly on you device, subscribe now.

کونڈ خف تے بن دا توار ءِ

دامون انگا گدان ءِ

دستار ننا شان ءِ

لٹ دوٹی امر جوان ءِ

براہوئی ننا زبان ءِ

……..

زو اس اتہ خراس تے

لنگار کین ڈغار تے

ہن پار نی چنا تے

مچ کر ک زو شنز آتے

ہمت ایتے خدا نے

……..

بشمہ الّے تغ ءِ نی

زو اس اتہ جغ ءِ نی

کاہک پدا پدینی

کپہ داخہ ہرے نی

لکھوک مرے است آ نے

……..

بیشک ءُ ننا خواک ءُ

زیبا انگا ہچ آک ءُ

 تو ننا شوانک ءُ

خیت آ مون آگدانک ءُ

ہرکس ہمونگ روان ءِ

……..

گوفتہ نا ترکل آک ءُ

نسخل جوغن آک ءُ

خیت اٹ بزگل آک ءُ

اوفتتون ننا چناک ءُ

پارہ ہندن شوان ءِ

……..

دستار تون زیب دار آ

لگہ مش تا تلار آ

زخم آ کرک اشارہ

دشمن خلے و کارہ

نرے کاہے رہ آن نے

……..

بہادر نن دلیر اُن

اللہ خنک نن شیر اُن

دن پاپہ نن دیر اُن

دشمن کن تینا زہر اُن

کاروان مش تا روان ءِ

……..

خاسن مثال بنگ ءِ

زخم آتا سیل کر جنگ ءِ

میدان دتر اٹ رنگ ءِ

دشمن نا واوزنگ ءِ

ہندا ننا نشان ءِ

……..

ہنا دور بہادری نا

دا دیک ءُ بس خری نا

اف ٹوپ ٹپری نا

بن شعر ءِ خنجری نا

پانہ کل جہان ءِ

براہوئی ننا زبان ءِ

ہفتئی تلار،

تاک25

27 June 2020

پنہ، 5

Get real time updates directly on you device, subscribe now.

Leave A Reply

Your email address will not be published.