فٹبال چمپئن شپ‘ وِگن اتھلیٹک ہَل سٹی ءِ 8-0 ٹی کٹا

انگلینڈ (مانیٹرنگ ڈیسک) فٹبال چمپئن شپ اٹ وِگن اتھلیٹک ہَل سٹی ءِ 8-0 اٹ بے سہب کرے۔ ڈو ویل نا جوان انگا ہیٹ ٹرک آن اسٹیڈیم نا خالی گری آن پد ہم کل خوش مسر۔ فٹبال نا خالی اسٹیڈیم اٹ گول گول و گول انا توار، چمپئن شپ اٹ وِگن اتھلیٹک کا ہَل سٹی تون اسہ کنڈی ءُ مقابلہ اس مس، گوازی نا بنا مننگ تون گول آتا بنا مس، اولیکو منٹ اٹ اولیکو اسکور مس۔ 27 میکو منٹ مُوری اسکور ءِ ڈبل کرے، 32 میکو ڈوویل گول آتا بنا ءِ کرے و تینا ہیٹ ٹرک ءِ پورو کرے۔ 7-0 انا گوازی آن پد فرسٹ ہاف ایسر مس، ارٹمیکو ہاف اٹ ہم ہندا جوان انگا کارکڑد برجا سلیس۔ اسہ وار ولدا گول اس کرسا 8-0 اٹ سرسہبی دوئی کرے۔ وگن اتھلیٹک 8-0 نا سرسہبی آن 6 سال متکن آ کٹنگ نا ریکارڈ ءِ بریبر کرے۔ 2014 ٹی برن ماؤتھ برمنگھم سٹی ءِ ہنداخو مارجن اسے ٹی کٹاسُس۔