کراچی ٹی فیفا گول پروجیکٹ 11 سال گدرینگ انگ آن پد پورو متو

0

Get real time updates directly on you device, subscribe now.

کراچی (مانیٹرنگ ڈیسک) فٹبال نا جہانی تنظیم فیفا پیسہ غاتے دیر انا وڑ وہفے، پاکستان اٹ گوازی نا جوانی کن گول پروجیکٹ آتا منظوری تس ولے کراچی ٹی فیفا گول پروجیکٹ 11 سال گدرینگ انگ آن پد آباد متو۔ کراچی ہاکس بے نا کرل نا پٹی آ مروک آ فیفا گول پروجیکٹ نا دا زیبا غا بلڈنگ مُر آن تینا بدقسمتی نا قصہ ءِ بنفنگ وڑاٹ خننگک۔ 10ایکٹر نا ڈٹ آتیکن فیفا جتا جتا دور تیٹی کروڑ آ روپئی پاکستان فٹبال فیڈریشن ءِ تس ہراڑان بلڈنگ تو جوڑ مس ولے گراونڈ آباد متو۔ رہنگوک ءُ کمرہ، کانفرنس روم، ڈائنگ ہال، کچن تون اوار پلے گراونڈ نا دا پروجیکٹ ٹی نہ بجلی ءِ او نہ گیس و دیر، فیفا دانا منظوری 2006 ٹی تس و کاریم 2009 ٹی بنا مس۔ پاکستان فٹبال فیڈریشن نا نارملائزیشن کمیٹی نا چئیرمین حمزہ خان تدوک آ فیڈریشن نا نا اہلی ءِ دانا زموار پن کرے۔ بلڈنگ ٹی ٹائل آک تینا جاگہ ءِ السا کننگ ءِ۔ پیشن نا دیوال پِر تا سوب آن تمانے، فیفا دا وخت اسکان 5 لکھ ڈالر آن زیات پیسہ دا پروجیکٹ آ خلکنے۔

Get real time updates directly on you device, subscribe now.

Leave A Reply

Your email address will not be published.