سبی تبلیغی اجتماع ٹی سیکورٹی نا بابت ہچ ءُ دیوالئی اس سگپنہ‘زاہد سلیم
Get real time updates directly on you device, subscribe now.
سبی: ایڈیشنل چیف سیکرٹری داخلہ زاہد سلیم پارینے کہ اُلس نا جان و مال انا رکھ اکن ہروڑ نا قربانی آن پدی مفنہ۔ صوبہ ٹی امن و ایمنی ءِ اسہ وڑ تخنگ اٹ سیکورٹی ادارہ غاتا کیہی افسر و جوان آک شہید مسنو ہرافتیا ننے فخر ءِ اوفتا مشن ءِ برجا تخنگک۔ سبی تبلیغی اجتماع ٹی سیکورٹی نا بابت اٹ ہچ ءُ دیوالئی اس سگپنہ۔ سبی تبلیغی اجتماع اٹ بشخ ہلوک آ ملک اٹ ودوک آ دہشت گردی نا سوب آن اجتماع گاہ نا تہٹی و پیشن نا سیکورٹی آ خلوک آ پولیس کارندہ غاتون کمک کیر و سیکورٹی پلان آ عملدرآمد کرسا تبلیغی اجتماع نا وخت آ ٹریفک نا نظام ءِ اسہ وڑ تخنگ کن جوان انتظام کننگے۔ دا خیال آتا درشانی ءِ ایڈیشنل چیف سیکرٹری داخلہ زاہد سلیم، آئی جی پولیس بلوچستان عبدالخالق شیخ تون اوار سبی نا دورہ نا وخت آ سبی تبلیغی اجتماع و سبی میلہ ٹی امن و ایمنی نا حالیت نا بابت اٹ اڈ ہلوک دیوان نا کماشی ءِ کرسا کرے۔