مچ آ ملک اٹی 24 گھنٹہ ٹی کورونا دین انا 31 پوسکن ءُ کیس رپورٹ

0

Get real time updates directly on you device, subscribe now.

اسلام آباد : مچ آ ملک اٹی 24 گھنٹہ ٹی کورونا دین انا 31 کیس رپورٹ مس و 09 ناجوڑ آتا حالیت نازرک ءِ۔ پنچ شنبے نادے آ قومی ادارہ جان جوڑی (این آئی ایچ) نا کنڈ آ جاری حساب وکتاب نا رداٹ مچ آ ملک اٹی 24 گھنٹہ ٹی 4 ہزار 890 کورونا ٹیسٹ کننگا ہرافتیان 31 بندغ آتا ٹیسٹ مثبت بس، ہندا وڑ دا مد اٹی کورونا ٹیسٹ انا مثبت کچ 0.63 درسد ئسک۔ داوخت آ کورونا دین آن اسہ ناجوڑ اس زوال کرے وخت اس کہ 9 ناجوڑ آتا حالیت نازرک ءِ۔ مچ آ ملک انا چندی شار تیٹی 24 گھنٹہ ٹی کروک آ ٹیسٹ آتیان گجرات اٹی 324 ٹیسٹ کننگا ہرافتیان 3 ناجوڑ آتا ٹیسٹ مثبت بس و ہموڑے مثبت کیس آتا کچ 0.93 درسد ئس۔ ہندا وڑ لاہور اٹی 637 ٹیسٹ آتیان 6 ٹیسٹ مثبت بس و ہموڑے مثبت کیس آتا کچ 0.94 درسد ئس، راولپنڈی ٹی کروک آ530 ٹیسٹ آتیان 3 ٹیسٹ مثبت بس و ہموڑے کچ 0.57 درسد ئسک وخت اس کہ اسلام آباد اٹی 480 ٹیسٹ کننگا ہرافتیان 4 ٹیسٹ مثبت بس و مثبت کیس آتا کچ 0.83 درسد ئسک۔

(اے پی پی)

Get real time updates directly on you device, subscribe now.

Leave A Reply

Your email address will not be published.