بلوچستان نا اسمارٹ سیکرٹری اسپینی روڑ آ جوڑ مننگ ءِ، ربابہ بلیدی

کوئٹہ : پارلیمانی سیکرٹری کانود و پارلیمانی امور سائنس اینڈ انفارمیشن ٹیکنالوجی ڈاکٹر ربابہ خان بلیدی پارینے کہ سول سیکرٹریٹ نا دوئی آ ہیب کیب اٹ پین دفتر نا گنجائشت مفننگ نا سوب آن اسپینی روڑ آ حکومت بلوچستان نا پوسکن آ سمارٹ سیکرٹریٹ اس جوڑ کننگ انگ ءِ۔ ہراڑے کل سرکاری ریکارڈ ءِ رکھوک کننگ کن آئی ٹی ڈیپارٹمنٹ نا کنڈآن آفیشل ڈیٹا بنک جوڑ کننگک۔ دا خیال آتا درشانی ءِ او تدوک آ سیکرٹری انفارمیشن ٹیکنالوجی ڈیپارٹمنٹ محمد طیب لہڑی تون ہیت وگپ کرسا کرے ہرافک پارلیمانی سیکرٹری کانود و پارلیمانی امور سائنس اینڈ انفارمیشن ٹیکنالوجی ءِ آئی ٹی ڈیپارٹمنٹ اٹ برجا انگا ڈٹ آتا بابت اٹ بریفنگ تس۔ ڈاکٹر ربابہ خان بلیدی پارینے کہ کوئٹہ تون اوار بلوچستان نا کل ضلع غاتیٹی ای خدمت ہند آک جوڑ کننگک۔ ہراڑے اسہ بامب انا کیرغ آن اُلس ءِ لوکل ڈومیسائل، برتھ، میرج، رجسٹریشن سرٹیفکیٹ ڈرائیونگ لائسنس، اسٹام پیپر تون اوار کل المی آ کاغد آک رسینگرہ۔ صوبائی حکومت ای خدمت  مرکز کوئٹہ کن پنچ کروڑ دہ لکھ روپئی جاری کرینے و آخبت اٹ یک ءُ نیم تو اٹی سول سیکرٹریٹ تون متصل دا ای مرکز ءِ فعال کننگک۔ او پارینے کہ بلوچستان نا کل ڈپٹی کمشنر تے پارت کننگانے کہ اوفک ای مراکز نا جوڑی کن جوان ءُ ہند اسے نشانی کیر تانکہ اُلسی آسراتی تا دا ہند آتا دائرہ کار ءِ مچ آ صوبہ اسکان تالان کننگے۔

(خ ن)