پاکستان ہنگری تون تینا تعلقداری تے بھا زاہمیت ایتک، بلاول بھٹو
پاکستان و ہنگری نا نیام اٹ چندی بشخ آتیٹی کمکاری ٹی پین ودکی نا وارخواہی ساڑی ءِ، ہنگری نا سفیر تون ہیت و گپ
Get real time updates directly on you device, subscribe now.
اسلام آباد : وزیرخارجہ بلاول بھٹو زرداری تون پاکستان اٹی ہنگری نا سفیر بیلا فیزیکاس چارشنبے نا دے اوڑدہی کرے۔ دفترخارجہ نا رداٹ دفترخارجہ اسلام آباد اٹی مروک آ اوڑدہی ٹی ہڑتوم آ کنڈآتا تعلقداری آ گپ وتران کننگا۔ اوڑدہی ٹی پاکستان و ہنگری نا نیام اٹ چندی بشخ آتیٹی کمکاری ٹی پین ودکی آ گپ وتران کننگا۔ وزیرخارجہ دا وخت آ گپ وتران کرسا پارے کہ پاکستان ہنگری تون تینا تعلقداری تے بھاز اہمیت ایتک۔ داکان بیدس وزیرخارجہ بلاول بھٹو زرداری تون ڈائریکٹر جنرل انٹرنیشنل اٹامک انرجی ایجنسی رافیل ماریانوگروسی چارشنبے نادے اوڑدہی کرے۔ دفترخارجہ نا رداٹ اوڑدہی ٹی تین پہ تینی است خواہی نا امور آ گپ وتران کننگا۔ وزیرخارجہ اٹامک انرجی ءِ جان جوڑی، کشت وکشار، صنعت و بجلی نا بشخ اٹی کاریم اٹ اتنگ نا اہمیت آ زور شاغا۔ ڈی جی انٹرنیشنل اٹامک انرجی ایجنسی پاکستان نا نیوکلیئر لائخی تا ستاءِ کرے۔ ڈائریکٹر جنرل انٹرنیشنل اٹامک انرجی ایجنسی رافیل ماریانو گروسی پاکستان نا اِرادے ئی دورہ غا اسلام آباد اٹی ءِ۔ ہندن وزیراعظم محمد شہباز شریف تون پاکستان پیپلزپارٹی نا چیئرمین و وزیر خارجہ بلاول بھٹو زرداری اوڑدہی کرے۔ چارشنبے نادے آ وزیراعظم آفس نا میڈیا ونگ آن جاری بیان نا رداٹ اوڑدہی ٹی جہانی و علاقائی حالیت و وزارت خارجہ نا امور آ گپ وتران کننگا۔ دا وخت آ ملک انا جم سیاسی حالیت آتیا ہم گپ وتران کننگا۔
(اے پی پی)