دہشتگردی تور عدالت، عمران خان نا عبوری ضمانت خارج

اسلام آباد : انسداد دہشتگردی اسلام آباد راجہ جواد عباس نا عدالت الیکشن کمیشن نا پیشن آ برانز کننگ آ عمران خان نابرخلاف دہشت گردی نا کیس اٹ عبوری ضمانت ءِ خارج کرے۔ انسداد دہشت گردی نا عدالت اٹ عمران خان نا ضمانت نا درخواست آ عمران خان نا وکیل بابر اعوان تینا دلیل تے ٹی ایف آئی آر ءِ خوانفسا بنفے۔ عمران خان ناپاننگ آ دفعہ 144 نا خلاف ورزی آ مقدمہ درج کننگا‘ دا عدالت نا نظر اٹ دا دہشت گردی نا مقدمہ جوڑ مفک ہندا کیس اٹ عدالت ایلو دوبہ دار آتا ضمانت ءِ منظور کرینے‘ عدالت آن خواست ءِ کہ دا کیس آن دہشت گردی نا ٹک آتے کشنگے‘ عدالت پارے کہ دا ضمانت نا درخواست آ سماعت مننگ اٹی ءِ‘ عمران خان نا وکیل عدالت ءِ پارے کہ ایڈیشنل سیشن جج 27 فروری اسکان عبوری ضمانت تسنے‘ عدالت آن خواست ءِ کہ نی ہم 27 فروری اسکان عبوری ضمانت اٹ ودکی کر‘ مچ آ کابینہ عمران خان ءِ دزگیر کننگ نا بابت سجفنگ اٹی ءِ۔ دزگیر کننگ کن ہر وڑ ءِ سجفنگ انگ ءِ۔ اگہ بلٹ انجری آ اسہ دوبہ دار اسے ریلیف تننگا تو ایلوفتے ہم تروئی مریک اگہ عبوری ضمانت اٹ ودکی کننگے تو قومی خزانہ ءِ ہچ نسخان مفک۔ عدالت ضمانت نا درخواست ءِ دا پارسا پدی کے کہ دہشت گردی نا ٹک آک جوڑ مفسہ‘ عدالت پارے کہ اسلام آباد ہائی کورٹ نا اسہ فیصلہ اس ننا دو تے تفینے۔ چالان جمع مننگ آن پد نن دا مرحلہ غا سر مرینہ۔ عمران خان نا وکیل عدالت ءِ پارے کہ عدالت آخریکو وارخواہی ترسا سمن جاری کے ای دَہ ہزار نا شورٹی بانڈ جمع کرفوہ۔ عدالت پارے کہ اگہ نی ضمانت نا درخواست ءِ پدی ہلنگ خواسہ تو کسر یلہ ءِ اگہ درخواست ءِ پدی ہلتویس تو عدالت فیصلہ بنفک‘ اگہ لاہور ہائی کورٹ آن رکھی ضمانت اتیس تو ولدا ہم کسر یلہ ءِ۔ عدالت دلیل تے بننگ آن پد عمران خان نا عبوری ضمانت اٹ ودکی نا درخواست ءِ مسترد کرے۔

(آن لائن)