فیفا فٹبال ورلڈ کپ 2026: اسپین فرانس ءِ 0-2 اٹ کٹا، 16 سال آن پد فائنل کن کوالیفائی کرے
ڈیلس اٹی اڈ ہلوک آ اولیکو سیمی فائنل اٹی اسپین نا جلہوئی گوازی، ایمباپے گول کننگ اٹی بے سہب مس
Get real time updates directly on you device, subscribe now.
فیفا فٹبال ورلڈ کپ 2026 نا ردوم اٹی اسپین فرانس ءِ 0-2 اٹ کٹا، 16 سال آن پد فائنل کن کوالیفائی کرے۔ ڈیلس اٹی گوازی کننگوک آ فیفا ورلڈ کپ نا اولیکو سیمی فائنل اٹی اسپین فرانس نا برخلاف 0-2 اٹ سرسہبی دوئی کرے۔ اسپین بھاز ترند و جلہوئی وڑ اٹ میچ نا بناءِ کرے ]۔ اسپین نا کنڈ آن اولیکو گول اولیکو ہاف اٹی میکیل اوریار زبال پنالٹی کک آ 22 میکو منٹ اٹی اسکور کرے، دا ورلڈ کپ اٹی اونا پنجمیکو گول ئس۔ اسپین نا کنڈ آن ارٹمیکو گول ارٹمیکو ہاف اٹی پیڈرو پورو اسہ شاندار ءُ کک اسے نا کمک اٹ 58 میکو منٹ اٹی گول کرے۔ ٹورنامنٹ اٹی 8 گول کروک آ فرانس نا اسٹار کھلاڑی ایمباپے دا سیمی فائنل اٹی کوشست نا باوجود گول کننگ کتو۔ یات مرے کہ اسپین نا ٹیم 16 سال آن پد فائنل اٹی سر مننگ اٹی سرسہب مسونے، 2010 اٹی اسپین فٹبال ورلڈ کپ نا ٹائٹل ءِ کٹاسس۔ فیفا ورلڈ کپ نا ارٹمیکو سیمی فائنل پگہ ارجنٹینا و انگلینڈ نا نیام اٹی مریک۔