بسیمہ‘ شہید کیپٹن عیسیٰ شاہین فٹبال ٹورنامنٹ،مہماندا رٹیم فائنل ءِ کٹا

بسیمہ: ضلع واشک نا تحصیل بسیمہ ٹی شہید کیپٹن عیسیٰ شاہین فٹبال ٹورنامنٹ نا رداٹ اینو نا گچین آ فائنل میچ شہید کیپٹن عیسیٰ شاہین فٹبال کلب بسیمہ مقابلہ شہید ممتاز جان فٹبال کلب بسیمہ نا نیام اٹ گوازی مس۔ میچ بنا مننگ تون ہڑتوم آ ٹیم تا نیام اٹ جوان گوازی نا درشانی ءِ کننگا۔ اولیکو ہاف انا ایسری اسکان ہچ ءُ گوازی گر اس گول کننگ اٹ سرسہب متو۔ ارٹمیکو ہاف نا بنائی تون گیم اٹ پین ترندی بس۔ ہڑتوم آ ٹیم تا نیام اٹ اسہ ایلو نا گول پوسٹ آتیا جلہو کرسا گیم نا ایسری اسکان ہچء ُ گوازی گر اس گول کننگ کتو۔ میچ انا فیصلہ پینلٹی کک انا کمک اٹ کننگا۔ ہراٹی شہید کیپٹن عیسیٰ شاہین فٹبال کلب پیلینٹی نا کمک اٹ کٹسا فائنل نا ٹائٹل ءِ تینا پن آ کرے۔ فائنل میچ نا خاص انگا مہمان بسیمہ نا قبائلی راہشون میر محمد ایوب عیسیٰ ئس۔

(تلار حوالکار)