ڈی ایس پی خلیل ءِ اینک کننگ آن کیس بتّر نزور مریک، زہمی خاہوت

کوئٹہ : کریم سرپرہ شہید نا زہمی خاہوت تینا بیان اٹ پارینے کہ 9 جولائی2023 ءِ سہب انا وختی قمبرانی روڈ کیچی تھانہ نا ماس آ اسہ بندغ اسے آن موٹرسائیکل اس پلار و کلی بڑو سریاب اٹ تینا موٹرسائیکل ءِ ہراتم مار و باوہ درست کریر تو دز آک تینے بچفنگ کن ہڑتوم آ باوہ مار نا سینہ غاتیٹی گولی خلسا اوفتے کسفیر۔ ہرا بھلو بیدادی اسے۔ او پارینے کہ اسٹ تون دز آک باوہ مار ءِ کسفسا ننا اُرا ءِ ہشار وخت اس کہ ایلو سلوک آ کسر ءِ حکومت وخت خاص کر پولیس ڈیپارٹمنٹ پورو کرے ہراکہ دز آتیان زیات بلوچستان پولیس ننا زی آ بیدادی نا مش اس بٹینے۔ انتئے کہ ہرا آفیسر اولیکو دے آ دز آتے پٹا اودے اسہ کنڈ کریر۔ دانا ورندی ءِ نن ہراکان و دیر آن بٹنگن۔ محکمہ پولیس نا بڑزکو افسرک گڑاس تو تینا محکمہ نا بندغ آتون انصاف کیر۔ عبدالکریم سرپرہ نما محکمہ پولیس آن بطور ہیڈکانسٹیبل ریٹائر مسنے۔ اونا ناحق خون نا حساب ءِ اونا چناک دیر آن ہلین۔ نن زہمی آ خاہوت آئی جی پولیس بلوچستان آن سوج کینہ کہ دا وخت اسکان خونی آ دز آک انتئے دزگیر متنو۔

(پ۔ر)