میٹروپولیٹن کارپوریشن کوئٹہ ٹی صفائی نا باندات بے سہب، شار کھدکتر جوڑ
Get real time updates directly on you device, subscribe now.
کوئٹہ : میٹرو پولیٹن کار پوریشن کوئٹہ سفائی نا پن آ کوئٹہ شار ءِ گندہی نا ڈھیر اسے بدل کرینے۔ غلط ڈٹ بندی و مفت تنخواہ ہلوک آتے بچفنگ کن ڈیلی ودیجز آ کاریم کروک آ گڑاس خاکروب آتے تینا تینا علاقہ ٹی کاریم کننگ آن توننگا و داسہ او بیرہ خاص علاقہ غاتیٹی سفائی کیرہ۔ ہراڑا شاریک خاص کر مسکوہی کونسلر آتا اُست ہسونی نا درشانی ءِ کرینے۔ حوالکاری نا رداٹ کوئٹہ شار انا سفائی کن ہڑدے نا بنداو آ کاریم کروک آ خاکروب آتے نہ بیرہ تینا تینا علاقہ غاتا سفائی آن اینک کننگا وخت اس کہ اوفتے جمع کرسا ہڑدے نا بنداو آ خاص انگا علاقہ غاتیٹی سفائی نا کاریم ءِ بنا کرینے۔ ہرانا سوب آن اسہ علاقہ ٹی سفائی کننگ آن پد دا علاقہ نا سفائی نا ولدا نمبر 10 دے آن پد بریک و ہندا علاقہ ٹی 10دن تالان مروک آ گندگی تے اینک کروک کس اس ہم اف و دانا اسہ مثال اس سریاب، گوالمنڈی چوک، کاسی روڈ،سرکی روڈ و ترین روڈ ءِ ہراڑے تدوک آ اسہ ہفتہ غان کچرہ غاک تموک ءُ۔
(آن لائن)