پی پی ایچ آئی نا کارکڑد گچین ءِ، ستا کڑزک، ڈپٹی کمشنر نصیرآباد

نصیر آباد : ڈپٹی کمشنر نصیرآباد عائشہ زہری نا کماشی ٹی پی پی ایچ آئی نا توہی جاچ ہلوک دیوان اس اڈ ہلک۔ دیوان اٹ ڈی ایچ او ڈاکٹر عبدالمنان لاکٹی پی پی ایچ آئی نا ڈی ایس ایم فیصل اقبال کھوسہ ڈبلیو ایچ او نا نمائندہ ڈاکٹر زبیر احمد کھوسہ ڈاکٹر منظور احمد ابڑو ایم اینڈ ای آفیسر منیر احمد گرانی آصفہ جمالی تون اوار ایلو این جی او تا نمائندہ غاک اوار ئسر۔ دیوان نا وخت آ پی پی ایچ آئی نا ڈی ایس پی فیصل اقبال کھوسہ دیوان اٹ توہی کارکڑد رپورٹ ءِ پیش کرے۔ اُلس ءِ طبی آسراتی تا فراوانی و دوئی ویل آتا بابت معلومداری فراوان کرے۔ ڈپٹی کمشنر نصیرآباد عائشہ زہری دیوان اٹ ایلو بشخندار آک تینا کارکڑد رپورٹ نا بابت جوان بریفنگ تس۔ دیوان آن تران کرسا ڈپٹی کمشنر نصیرآباد عائشہ زہری پارینے کہ بنداوی آسراتی تا فراوانی کن پین جوان حکمت عملی نا رداٹ کاریم کننگ نا گرج ءِ۔

(خ ن)