وزیراعظم شہباز شریف سیونتھ ایونیو اوور ہیڈ برج انا بناءِ کرے

اسلام آباد: وزیراعظم شہباز شریف سیونتھ ایونیو اوور ہیڈ برج انا بناءِ کرے، دا ڈٹ ءِ اسہ سال انا ریکارڈ مد اٹی پورو کننگانے۔ چارشنبے نادے آ وزیراعظم ءِ ڈٹ انا بناءِ کننگ آن مست اونا بارواٹی حوال تننگا۔ سیونتھ ایونیو اوور ہیڈ برج ڈٹ انا بناءِ کننگ نا وخت آ بنجائی وزیر حوالکاری و شینکاری مریم اورنگزیب، بنجائی وزیر داخلہ رانا ثناء اللہ ئسک ہم وزیر اعظم تون اوار ئسر۔ مسکوہی قومی اسمبلی نا باسک چوہدری طارق فضل چوہدری، حنیف عباسی و انجم عقیل خان ئسک ہم داوخت آ ساڑی ئسر۔ وزیراعظم ءِ پاننگاکہ سیونتھ ایونیو اوور ہیڈ برج انا مرغنی اِرا کلومیٹر ءِ ہرا سری نگرہائی وے آ ٹے اونا چار لوپس ءُ و اسہ فلائی اوور اسے۔ دا ڈٹ اسہ سال انا ریکارڈ مد اٹ پورو کننگا۔ داڑان ٹریفک نا ہن و بر ءِ برقرار تخنگ اٹ کمک رسینگک۔ دا ڈٹ جی سکس و جی سیون ءِ اسہ ایلو تون اوار کیک۔ دا ڈٹ اٹی 615 میٹر نا اسہ انڈرپاس اس ہم اوار ءِ۔ دا ڈٹ آ کل خڑچ اِرا ارب روپئی آن ہم کم ءِ۔ وزیراعظم ءِ پاننگاکہ دا ڈٹ انا اولیکو ریسہ ٹی 4.20کلومیٹر شاہراہ تفنگک، داٹی اِرا انٹرچینج و اِرا فلائی اوور اوار ءُ۔ مسہ رویہ شاہراہ غا 9 ارب روپئی خڑچ بریک۔ اولیکو ریسہ اسہ سال اٹی پورو مریک۔ ارٹ میکو ریسہ ٹی مسہ کلومیٹر مرغن شاہراہ تفنگک ہراٹی اِرا انڈر پاس و اِرا انٹرچینج اوار ءُ۔ ارٹ میکو ریسہ نا پوروی آ ہم اسہ سال اس لگک۔ دُن تو دا ڈٹ اِرا سال اٹی پورومریک۔ ارٹ میکو ریسہ غا 7 ارب روپئی خڑچ بریک۔ دا ڈٹ اٹی ریلوائی ٹریفک جنکشن و آئی جے پی روڈ آ انٹرچینج و فلائی اوور تفنگک۔ الیونتھ ایونیو آ خیابان اقبال، ابن سینا، سری نگر ہائی وے آ انٹرچینج و فلائی اوور تفنگک۔

(اے پی پی)