الخدمت فاﺅنڈیشن لورالائی ناکنڈآن غریب آتا اُراتے ٹی راشن بشخنگا
Get real time updates directly on you device, subscribe now.
لورالائی: الخدمت فاﺅنڈیشن لورالائی ناکنڈآن غریب آتا اُراتے ٹی راشن بشخنگا‘ دا وخت آ الخدمت فاﺅنڈیشن لورالائی نا صدر محمد اخلاص حمزہ زئی، جماعت اسلامی لورالائی نا ضلعی امیر زکریا خان ملازئی، الخدمت فاﺅنڈیشن لورالائی نا جنرل سیکرٹری شیخ ظاہر شاہ بیدار، جماعت اسلامی نا ضلعی جنرل سیکرٹری عظیم خروٹی، ڈپٹی سیکرٹری محمد امین کدیزئی، نیازی خان ناصر، جماعت اسلامی و الخدمت فاﺅنڈیشن نا رضاکار آک ہم ساڑی ئسر۔ دا وخت آ محمد اخلاص حمزہ زئی پارے کہ الخدمت فاﺅنڈیشن مچ آ ملک اٹ دا وخت آ اسٹ انگا آسراتی رسیفوک ادارہ ءِ ہراڑتون کاریم کننگ نا بھلو نیٹ ورک اسے‘ لورالائی ٹی اولیکو مرحلہ ٹی الخدمت فاﺅنڈیشن کل آن زیات غریب 75 اُراتے ٹی راشن بشخانے و لورالائی نا چندی ہند آتیا ماسک و شعور وآگاہی کن پمفلٹ ہم بشخانے۔ اوپارے کہ زوت لورالائی نا مسیت و پبلک ہند آتیا کورونا غان رکھ اکن اسپرے ہم کینہ۔
(آن لائن)