15 اپریل آ قلات شار انا غٹ دکان تے ملنگے‘میرمبارک محمدحسنی
Get real time updates directly on you device, subscribe now.
قلات: جمعیت علماءاسلام نظریاتی نا صوبائی کمکار کنوینئر میر مبارک خان محمدحسنی، صوبائی نائب امیر مولانا محمد حیات، ضلعی کنوینئر قاری رحمت اللہ، صوبائی صدر جے ٹی آئی نظریاتی حافظ فضل الرحمان رحمانی، نائب امیر ضلع قلات عبدالرشید صدرجے ٹی آئی اسراراحمد اسک انجمن تاجران نا صدر میر منیر احمد شاہوانی‘ صدرانجمن خرات مشین حاجی احمدجان‘ صدر انجمن الیکٹریشن حاجی عبدالرزاق‘ راہشون انجمن شاپنگ سینٹر میراحمد محمدحسنی‘ صدر انجمن موٹر سائیکل مکینک‘ منیر احمد بنگلزئی‘ صدرانجمن منیاری ریڑی بان نورحسن سمالانی‘ صدر انجمن مزدور ریڑھی بان نصیراحمد‘ صدر انجمن گھاس فروشان علی احمد‘ صدر بکرامنڈی قلات حاجی فیض محمد لہڑی وایلو پوریاگر آتون اوڑدہی آن پد اسسٹنٹ کمشنر قلات و پی ڈی ایم اے کمیٹی نا باسک آتون اوڑدہی کرسا خواست کریر کہ دا وخت آ قلات اٹ اللہ نافضل اٹ کورونا ہچ ءُ ناجوڑ اس اف‘ لاک ڈاﺅن راشن بشخنگ‘ احساس پروگرام اٹ پیسہ تننگ‘ است پسند دکاندار تا پوریا کننگ ناسوب آن بے سہب مسنے‘ الس فریشان ءِ‘ نن ڈپٹی کمشنر و حکومت بلوچستان نا مذاکراتی کمیٹی نا مون آ 5 ٹک تخانن‘ دا خیال آتا درشانی ءِ او صحافی تتون ہیت وگپ کرسا کرے‘ او پارے کہ نن 15 اپریل آ قلات شار انا غٹ دکان تے ملنگ ناخواست کینہ انتئے کہ لاک ڈاﺅن ناسوب آن پوریاگر آتا زرگرزان بھس مسنے۔
(فیض نیچاری)